BUTUAN CITY – Gibana-banang mu-abot sa usa ka milyon ka pisos ang damyos sa pagkasunog sa pito ka mga balay ug usa ka beauty parlor sa may Brgy. Datu Silongan ning siyudad kagabii.
Base kini sa inisyal nga imbestigasyon sa Bureau of Fire Protection kon BFP-Butuan kondiin lima ka balay ang na-abo sa sunog samtang duha ang partially burnt ug ang usa ka parlor, nalatayan usab sa kalayo dihang subli kining mi-ulbo. Sa eksklusibong pakighinabi ning sibyahan, gibutyag ni ni Fire Officer 3 kon FO3 Ben Sergio Pelletero, ang imbestigador sa Bureau of Fire Protection kon BFP-Butuan, nagsugod pag-ulbo ang kalayo sa panimalay ni Roy Sanchez nga iyang gipa-abangan sa pamilya ni Atty.Teodoro Emboy.
Migawas sa inisyal nilang imbestigasyon nga upat ka buwan nang naputlan og kuryente ang gi-abangang balay rason nga migamit na lang og flashlight ug kandila nga posibleng maoy hinungdan sa pag-ulbo sa kalayo. Padayon pa ang ilang imbestigasyon aron masuta na ang kinatibuk-ang damyos sa nasangpit nga sunog tungod nga nagsugod pasado alas-siete ug nadeklarang fireout pasado alas-kwatro kaganinang kaadlawon.
Samtang gibutyag usab ni Chona Furia, usa sa mga nasunugan, nga nag-panic sila tungod kay katong higayuna pa sila nakakita og grabe kadako nga kalayo. Blangko siya kung nganong duna’y nagdagkot og kandila sa taas nga bahin sa pinuy-anan ni Atty. Teddy Emboy nga dili naman matud pa kini makasaka uban sa iyang asawa.
