Usa ka mangingisda missing og laing 9 naluwas gikan sa mitiklaob nga sakyanang pandagat sa Surigao Strait

BUTUAN CITY – Padayon pang gipangita sa mga sakop sa Philippine Coast Guard kon PCG-Surigao ang usa sa napulo ka mga mangingisda kinsa nagpabiling missing human mitiklaob ang ilang gisakyang sakyanang pandagat ning mi-agi pang mga adlaw.

Sigon ni PO3 Christopher Ocon sa PCG-Surigao City, nagpalawod matud pa ang maong mga mangingisda dihang gihapak sa mga dagkong balud ang ilang gisakyan atol sa pagkuso-kuso sa bagyong Urduja hinungdan sa pagkalunod niini.

Upat sa naluwas nga mga mangingisda nakapa-uli na sa Barobo, Surigao del Sur samtang ang laing lima, ila na usab nga gipapa-uli sa Guiuan, Eastern Samar sakay sa ro-ro vessel. (Beth Ruiz)