BUTUAN CITY- Mingmugna og mga bag-ong plano ang US military aron targeton ang depensa sa Iran sa Strait of Hormuz ugaling mapakyas ang ceasefire, sumala sa pipila ka sources nga pamilyar sa hisgutanan.
Lakip sa ilang gikonsidenra ang mga pag-atake nga nakapukos sa “dynamic targeting” sa kapasidad sa Iran palibot sa Strait of Hormuz, southern Arabian Gulf ug Gulf of Oman.
Gihulagway usab sa sources ang potensiyal nga mga pag-atake batok sa gagmay nga fast attack boats, pagtanom og mina sa mga barko ug uban pang asymmetric assets, nga nakatabang sa Iran aron epektibong masira ang mga nag-unang ruta sa dagat ug gamiton ang mga niini batok sa Amerika. Ang mga bag-ong plano mingtawag sa usa ka mas-concentrated nga kampanya sa pagpamomba palibot sa mga estratehikong agi-anan sa tubig.
Sumala pa sa Sources, posibleng isunod sa US military ang kanhi hulga ni US President Donald Trump nga pagtarget sa dual-use ug infrastructure targets, lakip ang energy facilities, aron mapugos ang Iran nga makigdiayalogo sa US. Una na nga mingbahad si Trump nga ipadayon sa US ang ilang combat operations kung walay dikplomatikong resolusyon sa giyera.
Usa pa ka opsyon nga na-develop sa military planners mao ang pag-target sa individual Iranian military leaders ug uban pang “obstructionists” sulod sa rehimen, nga sigon sa US officials aktibong gisira ang mga negosasyon, lakip si Ahmad Vahidi, kansa nagsilbing Commander-in-Chief sa Islamic Revolutionary Guard Corps.
Dugang pa sa US strikes ang posibleng pagtarget sa nabiling military capabilities sa Iran, lakip ang missiles, launchers, ug production facilities nga wala nabuwag sa inisyal nga hugna sa pag-atake sa US ug Israel.
