-- ADVERTISEMENT --
BUTUAN CITY – Gikataho nga namatay ang upat ka indibidwal sa usa ka hotel sa Beirut human nga naigo sa usa ka Israeli strike sumala sa Lebanon Health Ministry.
Gawas niini, natala usab ang 10 ka angol sa pagpamomba sa Israel.
Base sa inisyal nga impormasyon, ang gitarget nga hotel ang kasamtangang taguanan sa mga apektado sa giyera gikan sa Southern Lebanon ug bisan sa habagatang parte sa Central Beirut.
Samtang sa nakalabay nga adlaw usab nagpadala og mga rockets ug drones ang Iran-backed militant group nga Hezbollah sa Israel nga gitubag usab sa Israel pinaagi sa pagpaulan sa air strikes sa dakong parte sa Lebanon ug Beirut.
