BUTUAN CITY – Gikumpirma na sa Department of Health ang unang kaso sa nasud nga “electronic-cigarette or vaping product nga nakutay sa associated lung injury” o EVALI. Usa ka 16 anyos nga babae gikan sa Central Visayas ang gituohang nagpositibo sa EVALI kinsa nagsugod ug vape niadtong buwan sa marso ning kasamtangang tuig 2019.
Sumala sa Centers for Disease Control and Prevention, ang pasyente nga madayagnos sa EVALI makasinati ug lisud nga pagginhawa, ubo ug chest pain. Samtang ang uban musinati ug gastrointestinal symptoms sama sa pagpanglipong, pagsuka ug diarrhea. Padayon usab nga nakig alayon karon ang DOH ug Food and Drug Administration sa nasud ngadto sa attending physician sa pasyente.
Daan nang nanawagan ang DOH nga i-ban ang e-cigarerttes sa nasud tungod sa sakit nga dala niini ngadto sa gumagamit ug hilabina nga wala usab napamatud-an nga epektibo matod pa ang vaping aron hingpit nga mubiya sa bisyo sa pagpanigarilyo ang mga smoker. Samtang ning nakalabay’ng lunes, dihang giimplementar sa Pasay City ang ordinansang nagdili paggamit sa vaping device sa pampublikong lugar, ingon man ang pagbaligya sa electronic cigarettes ngadto sa mga minors.
Nasayran nga giban o giregulate na usab sa pipila ka estado sa Amerika ang paggamit ug e-cigarettes human nga nikabat sa 2 mil ka tao ang nagka lung damage samtang mukabat usab sa 39 na ang namatay.
