BUTUAN CITY – Hustisya ang singgit sa pamilya sa usa ka ulitawo nga gitu-uhang biktima sa hazing sa usa ka fraternity sa Surigao City. Naila ang biktimang si Robert John Limpioso Fernandez, 22 anyos, residente sa Purok 5, Brgy. Canlanipa sakop sa nasangpit nga siyudad, tricycle driver, ug neophyte member sa Alpha Kappa Rho (AKP) Fraternity and Sorority.
Sa eksklusibong pakighinabi sa Bombo Radyo Butuan ngadto sa amahan sa biktimang si Alipio Fernandez, nasayrang alas 8:00 pa lang sa buntag niadtong Sabado milakaw si Robert aron mutambong matod pa sa anniversary celebration sa AKRHO Fraternity.
Pagka alas-6:30 sa gabii mipa-uli na kini sa ilang panimalay nga ilawom na sa impluwensya sa ilimnong makahubog ug nasayran nga gikan si Robert sa initiation rites sa Canlanipa Chapter sa nasangpit nga fraternity.
Naglisod matod pa og ginhawa ang biktima pagka alas-12:20 kagahapon na sa kaadlawon rasong dali kining gidala sa ospital apan gidekalarang nang dead-on-arrival sa attending physician.
Sa gihimong pagpanubay sa mga otoridad bahin sa kamatayon niini, gitu-uhang gigamitan og paddle ang lawas niini resulta sa mga bun-og gawas nga nakaangkon usab kini og mga paso.
Gipamugos sa amahan nga dili sakit ang gikamatyan sa iyang anak kondili resulta sa mga na-angkon nga bun-og sa lawas ilabina dilhang gi-angkon niini sa buhi pa kini nga mi-apil sa siya sa kalihukan sa AKRHO Fraternity.
