BUTUAN CITY – Nagpasidaan si U.S. President Donald Trump nga posible nga motumaw ang mas grabe nga gubat sa Middle East kung mapakyas ang peace process sa Iran, samtang nagkataas ang presyo sa lana ug nagpadayon ang tensyon sa Strait of Hormuz.
Sa iyang paMAhayag, gibutyag ni Trump nga magpabilin ang mga pwersa militar sa United States sa rehiyon hangtod makab-ot ang kasabutan sa kalinaw, ug kung mapakyas kini, atubangon sa Iran ang mas lapad ug mas kusog nga opensiba.
Gihisgutan usab niini nga andam ang U.S. ships, aircraft, ug personnel nga adunay dugang armas aron “gub-on ang substantially degraded enemy” kung gikinahanglan.
Sa samang higayon, gitaho nga misaka ang presyo sa lana sa global nga merkado, mas taas kumpara sa presyo sa wala pa magsugod ang joint operations sa U.S. ug Israel.
Nagpabilin usab nga dili klaro ang sakop sa ceasefire, ilabi na human sa dagkong airstrikes sa Israel sa Lebanon nga mikutlo og kapin sa 250 ka kinabuhi, hinungdan nga gitawag sa Iran ang mga negosasyon nga “dili makatarunganon.”
Sa laing pahayag, gutyag ni Karoline Leavitt, tigpamaba sa White House, nga dili magpadala ang media ug publiko sa mga naratibo sa Iran, tungod kay lahi matud pa ang ilang gisulti kumpara sa panig sa Amerika.
