BUTUAN CITY – Kasong pagpanglugos ang atubangon sa usa ka sound system operator human niini seksuwal nga giabuso ang usa ka turistang Swiss National sa General Luna, Surigao del Norte.
Giila sa kapulisan ang suspek nga si Ronel Espejon Consigna nga taga Brgy Consuelo sa maong lungsod.
Sigon ni P/C/Supt. NOLI A ROMANA, PRO13 Regional Director positibong giila si Consigna sa wala gipanganlang biktima ug sa mga nakakita niini samtang gidala sa usa ka hotel sa Barangay 3, Poblacion ang biktima.
Una nang nagpakitabang sa General Luna Municipal Police Station ang Swiss tourist tungod kay kini matud pa gilugos samtang pauli na gikan sa gitambungang party.
Base sa imbestigasyon, usa ka Ricky Toloy nga sa pakisusi natumbok nga usa ka Ronel Espejon Consigna, ang nag-dropped sa biktima sa usa ka Hotel ug adiser kini gibiyaan.
