BUTUAN CITY – Tulo na ka koponan ang nakakuha og puwesto sa 2026 NBA Playoffs pipila ka adlaw sa dili pa matapos ang regular season.
Una nga nakasulod ang defending champion ug kasamtangang top team nga Oklahoma City Thunder nga gisundan sa San Antonio Spurs nga nagpadayon sa lig-on nga pag-angat, ug ikatulo ang Detroit Pistons nga adunay labing maayong record sa Eastern Conference.
Sa pagkakaron, nag-andam na usab ang NBA alang sa Play-In Tournament nga gitakda sa Abril 14 hangtod 17, kondiin mag-away ang mga koponan nga anaa sa ranggo nga ikapito hangtod ika-10 sa matag-conference alang sa duha ka katapusang playoff spots.
Apil na sa playoff picture ang Sacramento Kings, Utah Jazz, Brooklyn Nets, Indiana Pacers, ug Washington Wizards, nga tanan naa sa ubos nga bahin sa standings karong season.
Sugdan ang Playoffs sa Abril 18 ug molungtad hangtod sa katapusang semana sa Mayo ning tuiga.
Samtang, ang Game 1 sa NBA Finals nakatakda sa Hunyo 3.
