BUTUAN CITY- Nagpabilin sulod sa ilang mga panimalay ang mga residente sa Texas human matumba ang usa ka 18-wheeler nga trak nga nagkarga og kapin 50,000 ka libra sa mga putyokan, nga gibanabanang moabot sa kapin 2 milyones ka mga buyog.
Nahitabo ang insidente sa Mauriceville area sa dihang natumba ang trak atol sa pagliko niini, hinungdan sa pagkatibulaag sa daghang mga buyog sa kadalanan. Gani, wala maunsa ang drayber, apan gilukop sa nagkatag nga mga buyog ang maong lugar.
Gilayon gitawag ang mga lokal nga beekeeper aron tigumon ug ibalhin ang mga buyog ngadto sa usa ka duol nga honey farm. Sumala sa mga awtoridad, gitambagan ang mga residente nga magpabiling sulod sa balay alang sa ilang kaluwasan samtang nagpadayon ang operasyon sa pagdakop sa mga buyog.
