BUTUAN CITY – Gipadayag sa Philippine Atmospheric, Geophysical and Astronomical Services Administration kon PAGASA nga usa ka tropical cyclone ang posibleng musulod sa Philippine Area of Responsibility kon PAR karong weekend.
Sigon ni weather specialist Rhea Torres, ang maong weather disturbance, posibleng maka-apekto sa pulo sa Mindanao.
Sa kasamtangan, ang halos tanang lugar sa nasud nakasinati og init nga panahon kondiin gila-uman sa PAGASA nga makasinati karong adlawa og temperatura nga 42-degrees Celsius ang dakbayan sa Butuan.
Ang siyudad sa Tuguegarao posibleng makatala og air temperature nga 39-degrees Celsius hangtud ugmang adlawa samtang ang Metro Manila, duna usa’y 36-degrees Celsius.
Dugang pa sa weather bureau, ang taas nga high heat index tali sa 42 ug 48-degrees Celsius, masinati usab sa uban pang mga lugar sa nasud sa umalabot nga mga adlaw.
Kagahapon, ang heat index sa Clark, Pampanga mi-abot sa 50-degrees Celsius.
