BUTUAN CITY – Wala’y natalang casualty sa panig sa kasundaluhang sakop sa 36th IB, Philippine Army sa duha ka sunod-sunod nga engkwentrong natigayon kaganinang kaadlawon sa lungsod sa San Miguel, Surigao del Sur.
Sa pakighinabi ning sibyahan kang Captain Francisco Garillo – Civil Military Operations kon CMO officer sa maong brigada, ang unang engkwentro natigayon pasado alas-12:05 kaganinang kaadlawon sa may Brgy. Bulhuon og gisundan sa Brgy. San Roque pagka-alas 12:30.
Sa eksklusibong pakighinabi sa Bombo Radyo Butuan, gipadayag sa opisyal nga ilang nabaraw ang plano sa mga rebeldeng atakehon ang Bulhuon Patrol Base, base na usab sa gipa-abot kanilang tip gikan sa mga sibilyan.
Dali siyang nagpadala og mga tropa sa nasangpit nga lugar diin nakaposisyon na ang mga rebelde hinungdan sa natigayon gilayong engkwentro nga miresulta sa nabilin nga usa ka AK47 rifle og usa ka IED og detonating chord.
