BUTUAN CITY – Kabahin sa Tricycle Modernization Program ning siyudad sa Butuan ang pag-require sa mga tricycle operators and drivers’ association nga magmugna og kooperatiba.
Sa eksklusibong pakighinabi ning sibyahan, gibutyag ni Eldy David, ang tigpamaba sa Butuan City Transportation and Traffic Management Department kon CTTMD, nga gilibot na nila ang mga barangay ning siyudad nga duna’y mga tricycle associations aron ma-consolidate sila.
Ang mga nagkupot matud pa karon og tagsa-tagsa ka prangkisa, kinahanglan nang maghi-usa aron ma-consolidate na kini sa ingon makamugna sila og kooperatiba diin ipaagi ang nasangpit nga programa.
Gipasabot matud pa nila og maayo ang mga kaayuhang makuha kung sila mag-consolidate na ug magmugna og kooperatiba.
Gani sa pagkakaron, 11 na matud pa ka mga kooperatiba ang namugna nga duna na’y ubay-ubay nga mga membro rason nga padayon ang ilang paglibot sa kabaranggayan aron sila mapasabot.
Si Eldy David, ang tigpamaba sa Butuan City Transportation and Traffic Management Department kon CTTMD sa pakighinabi ning sibyahan.
