-- ADVERTISEMENT --
BUTUAN CITY – Nakumpiska sa mga sakop sa 2nd Provincial Mobile Force Company sa Agusan del Norte ang usa ka walay lisensya nga kalibre .38 nga pistola nga duna’y upat ka mga buhing bala, uban sa pipila ka sachets sa gidudahang shabu ug mga illegal drug paraphernalia.
Atol kini sa pag-serve sa search warrant pasado ala-1:00 ang takna kaganinang kaadlawon, Marso 24 ngadto sa subject person nga si Rodolfo Dumdum Moneda Jr., 40-anyos, trycicle driver, og residente sa Purok 1, Brgy. Marcos, lungsod sa Magallanes ning lalawigan.
Alayon niini, giplastar na ang mga dokumento ug ang mga ebidensya nga gamiton sa pagpasaka og kaso batuk sa suspetsado.
