BUTUAN CITY – Gi-anunsiyo sa United Arab Emirates foreign ministry ang travel ban ngadto sa mga Emirati nationals nga muadto sa Iran, Lebanon og Iraq, tungod sa mga kagubot nga nahitabo lakip na ang giyera sa Middle East.
Nasayrang gi-atake sa Iran ang Gulf nation sukad nga miulbo ang giyera sa Middle East human gi-atake sa US-Israeli.
Bisan og dunay gi-anunsiyo nga ceasefire , duna gihapon matud pay natigayong mga pag-atake lakip na ang pagpamomba ngadto sa mga sibilyan og imprastraktura sa enerhiya.
Gi-anunsiyo ang travel ban sa mga UAE nationals nga moadtu sa Islamic Republic of Iran, Lebanese Republic, og Republic of Iraq.
Samtang gipanawagan usab sa ministry ang tanang mga UAE nationals nga kasamtangan karung anaa sa maong mga nasud nga gelayong mobalik sa United Arab Emirates.
