BUTUAN CITY – Patay na sa edad nga 79-anyos ang actor nga si Bernard Hill, kinsa naila tungod sa iyang mga papel sa mga pelikulang Titanic ug Lord of the Rings.
Iyang gihuptan ang papel ni Captain Edward Smith sa 1997 Oscar-winning film ug ni King Théoden sa Lord of the Rings.
Ang iyang breakout role natala niadtong 1982 sa BBC TV drama nga Boys from the Blackstuff, kondiin iyang giluptan ang papel ni Yosser Hughes, usa ka character nga nakigbiso gug kanunay lang mapakyas pagpangita og trabaho sa Liverpool.
Gikumpirma sa iyang agent nga si Lou Coulson ang iyang kamatayon kaganinang sayo sa buntag – oras sa Pilipinas kondiin anaa sa iyang kiliran ang iyang fiancee nga si Alison ug ang ilang anak nga si Gabriel.
Si Hill nga gikan sa Manchester ug nagpuyo sa Suffolk, gikatakda untang mubalik sa TV screens sa serye sa duha ka The Responder, nga sugdan pagpa-ere karong adlawa.
