BUTUAN CITY – Traumatized pa ang sikat nga Pinoy drag racer impersonator ni Taylor Swift nga si Taylor Sheesh human kini pisikal nga gi atake atul sa pagbaktas niini agi sa mga audience sa Kalutan concert sa Bayambang, Pangasinan ning nakalabay nga adlaw, Abril 6.
Sumala pa ni John Mac Lane Coronel sa opisyal niini nga statement sa social media nga X, nga kasamtangan gihapon kining nag-antus sa trauma hatud sa pagpangahapak kaniya sa usa ka audience atul sa maong konsyerto. Kahibaloan nga nasakitan ang maong indibidwal sa gihimo kaniya sa usa sa mga audience kansa daw ‘gitigbas-tigbas’ niini ang iyahang kamot sa liog mismo ni Sheesh.
Alayon niini, dali ra usab nga nakapangayo og pasaylo si Bayambang Mayor Niña Jose-Quiambao ngadto kang Sheesh pinaagi sa facebook post niini nga nagkanayong walay luna ang “homophobia ug physical abuse” sa ilahang lungsod. Dugang niini nga wala nay dapat ikabalaka ang maong artista sanglit anaa naman sa kustudiya ang suspek sa maong physical assault.
Sa usa ka video nga gipost usab sa nasangpit nga Mayora, samang adlaw sa pagpost niini sa iyahang official apology ngadto kang Sheesh, gikataho niini nga napriso na ang suspek sa gika ingong homophobic act.
