BUTUAN CITY – Nanawagan og kongkretong solusyon sa gobyerno ang usa ka ship captain ug consultant sa usa ka manning agency aron matabangan ang mga Pinoy seafarers nga sakay sa mga barko ug atua pa sa anchorage sa Iran.
Sigon ni Captain Edgardo Flores, consultant sa Eastern Mediterranean Manning Agency Inc., halos tanan sa mga crude oil nga ilang gi-export sa Middle East, mu-agi sa Strait of Hormuz kansa pi-ot nga agi-anan sa dagat nga kontrolado sa Iran.
Kini human nagbahad ang Iran nga ilang atakihon ang tanang maglawig sa maong parte sa kadagatan.
Gisaysay pa niini nga sa iyang kasinatian atol sa giyera sa Iran ug Qatar niadtong dekada 80, daghang mga barko matud pa ang gibombahan sa Iran sa Strait of Hormuz nga miresulta sa daghang mga casualties.
Dugang pa ni Flores, duna’y marine traffic kondiin makita ang 50 ka mga barko nga nakadunggo sa Iran ug karon delikado pa nga magpadala og pagkaon sa maong area rason nga mas maayong aksyunan na kini sa gobyerno.
Mihangyo kini sa Department of Migrant Workers nga hangyuon ang mga ship owners nga i-pull out sa anchorage ang mga barko ug temporaryong ibalhin sa luwas nga lugar.
