BUTUAN CITY – Hustisya ang singgit sa pamilya sa 15-ayos nga si Bea Claire More, residente sa Brgy. Pitogo, lungsod sa Jabonga, Agusan del Norte human kini giluba-patay niini diin nakita na lamang ang patay’ng lawas sulod sa minteryo sa Brgy. 12, Cabadbaran City sa susamang lalawigan.
Sa pakighinabi sa Bombo Radyo Butuan, gibutyag sa niini sa biktimang si Raquel Quinong, nananghid kaniya ang iyang anak nga moadto sa apuhan niini apan padulong diay kini sa iyang mga barkada.
Sa ilang nasayran, gipatawag na sa kapulisan kagahapong adlawa ang mga barkada niini ug dinhi nasayran nga misakay kini og habal-habal kinsa nagtugon pa kung dili siya kauli pangitaon na lamang siya sa menteryo.
Sa pagkakita niya sa iyang anak, daw nawad-an siya og kusog dihang nakita niya sa punerarya nga duna kini duha ka samad-dinunggaban kilid sa lawas diin ang usa milapos sa tinae sa biktima samtang ang duna usab kini samad sa li-og.
Pursigido ang pamilya sa biktima nga pasakahan sa kaso ang tanang barkada aron mailhan kung kinsa gayod ang mihimo niini ngadto sa biktima
