BUTUAN CITY – Gipaniguro ni Taiwan President Lai Ching-Te nga dili moyukbo ang ilahang nasod sa China taliwala sa gihimo niini nga pagpangharass kanila.
Sumala sa maong opisyal nga ilahang depensahan ang Taiwan ilabi na ang kagawasan ingon man ang katungod sa katawhan niini taliwala pa man sa hulga sa China, ingon man sa paggamit niini og mga non-traditional nga pamaagi arun moyukbo kanila ang Taiwan.
Bisan pa man niini, gikabutyag sa maong Presidente nga padayon gihapon niining protektahan ang teritoryo ug soveranya sa Taiwan.
Kahinumdumang, pipila ka adlaw human midaog si Lai isip bag-ong presidente sa Taiwan, nagpahigayon gilayon ang China og war games sa Taiwan Strait, pipila lang ka milya ang gilay-on gikan sa baybayon sa Taiwan.
Sumala sa China nga gihimo lamang nila ang war games isip silot sa inaugural speech ni President Lai.
Kahinumdumang gilibotan sa China ang estado sa Taiwan sa mga barkong iggugubat, fighter jets, ug mga coast guard vessels.
Human niini, gihulga usab sa China ang Taiwan nga ipadayon ang military pressure kung magpadayon ang Taiwan nga ihingusog ang ilang independensya.
