BUTUAN CITY – Nadiskubrihan sa militar ang tagoanan sa mga armas og bala sa kumunistang New people’s Army kon NPA sa nakalabay nga adlaw sa hilit nga dapit sa Himat-e, Barangay Cayale, Tago, Surigao del Sur.
Sigon ni Capt. Francisco P. Garello, Jr., Public Information Officer sa 36th Infantry (Valor) Battalion, Philippine Army tungod sa giaphugtang intelligence tracking ug community support, nahulog sa kamot sa nagpatrolyang tropa ang tagoanan sa suplay sa rebelde.
Sumala ni Capt. Garello dunay informant gikan sa kumunidad ang naghatag ug tip kung asa makaplagan ang tagoanan sa suplay sa mga rebelde.
Lakip sa nakuha ang usa ka shot gun, 8 ka pirsao sa blasting cap, 2 ka anti-personnel mines switch, 2 ka flags sa NPA, 11 ka piraso sa icom charger, 8 ka steel magazine sa M16 Armalite rifle, usaka ninety-rounder magazine para sa 5.56mm rifle, 4 ka steel magazines para sa M14 rifle, 1 ka gas stove tank, 28 ka bala sa 7.62mm serviceable ammunitions, 3 ka auxiliary cords, 1 ka electronic tester, mga materyaled panghimu ug bomba og anti-government nga mga documento.
Mahinumdumang niadtong duha ka semana na ang milabay, nakaplagan usab ang tago-anan sa suplay sa walhong grupo sa mga 36th IB troopers sa Sitio Kiskis, Barangay Siagao, San Miguel, Surigao del Sur.
Ang nakuhang mga gamit giturn-over na ngadto sa 36th IB headquarters sa Barangay Dayoan, Tago, Surigao del Sur alang sa tukmang disposasyon.
