-- ADVERTISEMENT --
BUTUAN CITY – Ipatawag sa Bureau of Fire Protection kon BFP-Butuan ang tag-iya sa nasunog nga warehouse nga VCDU nga si Victor Uy alang sa pagpanubay nila sa maong insidente nga natigayon kaganinang alas-7:28 sa sayo sa buntag sa may Horizon Subdivision, Brgy. San Vicente ning siyudad sa Butuan.
Sigon ni City Fire Marshal SFO4 Rodrigo Canton, nagsugod ang pag-ulbo sa kalayo gikan sa mibuto nga gi-charge nga cell phone ni Wilson Lim kansa daling minakat sa nagpalibot nga gasolina, krudo og thinner.
Mi-abot kini sa 1st alarm adiser hingpit nga gideklarang fireout. Gikumpirma sa opisyal nga ang maong insidente, mi-angol kang Wilson Lim kinsa anaa karon sa balay-tambalanan. (Beth Ruiz)
