BUTUAN CITY – Muabot sa 7 ka commercial establishment ang naugdaw human ang nahitabong sunog sa may Brgy. Libertad ning syudad sa Butuan kaganinang udto.
Sumala pa sa pipila ka mga nakasaksi, nga daling nabantayan sa mga driver sa motor ang maong sunog nga miresulta sa pagkaguliyang sa mga tao. Nasayran usab nga nagsumikad matud pa ang sunog sa Carlo’s Lechon Manok nga gipanag-iyahan sa usa ka Carlo Boholano.
Igo lamang matud pa nagrental ang mga naugdaw nga mga tindahan didto sa maong establisamento nga gipanag-iyahan sa Pamilyang Palacay.
Samtang gibutyag ni SFO4 Rodrigo Canton sa Bureau of Fire Protection – Butuan, nga ilang nadawat ang fire call bandang alas- 11:36 ang takna sa sayong udto ug gideklara kini nga fire out bandang alas- 12:37.
Muabot matud pa sa 5 ka firetruck ang nakaresponde kungdiin muabot sa 500 – mil pesos ang gibanabanang damyos.
Nahitabo ang sunog sa may Brgy. Libertad ning syudad sa Butuan.
