-- ADVERTISEMENT --
BUTUAN CITY – Padayon karung gi-imbestigahan ang natigayong sunog kagahapong adlawa, atol sa Domingo sa Pagkabanhaw ni Hesus sa P-1, Poblacion, Trento, Agusan del Sur.
Sa inisyal nga impormasyon, lakip sa naugdaw ang usa ka simbahan og laing 13 pa ka panimalay tungod sa sunog nga miulbo pasado alas 2:00 sa hapon.
Sa impormasyon gikan sa Bureau of Fire Protection kon BFP-Trento, miresponde sila sa sunog kauban ang kapulisan og Municipal Disaster Risk Reduction and Management Office kon MDRRMO-Trento.
Nakaresponde usab ang silingang fire station particular sa Sta. Josefa og Bunawan Fire Station. Sa karun padayon gisuta pa ang katibuk-an nga damyos sa inisidente.
