BUTUAN CITY – Padayon pang gi-imbestigahan sa kapulisan sa Surigao City ang duha ka sunod-sunod nga pagpamusil kagabii nga miresulta sa pagkamatay sa tulo ka mga tawo samtang laing usa ang angol.
Sigon ni PO3 Lyndon Peralta, sa unang pagpamusil nga natigayon pasado alas-6:50 kagabii sa may corner Perez og Narciso St. sa maong siyudad, nakabsan sa kinabuhi si Jomar Alabat, 20-anyos, samtang angol usab ang iyang amahang si Daniel Alabat, 39-anyos, parehong residente sa Perez St., Brgy. Taft, Surigao City.
Paglabay sa pipila ka minuto, laing pagpamusil ang natigayon nga mikalas sa kinabuhi ni Rey Manuel Aunor Dialogo, 46-anyos, minyo og residente sa Purok 6, Brg. San Juan sakop sa maong lungsod og sa mi-angkas sa iyang motorsiklo nga padayon pang gi-ila.
Natigayon kini sa may Riverside area sa Brgy. Washington sa maong siyudad og gitu-uhang duna’y kalambigitan kini sa operasyon sa ginadiling druga. (Beth Ruiz)
