BUTUAN CITY – Hoyhoy ang abagang midangop dinhi sa Bombo Broadcast Center ang 75-anyos nga lolo kinsa person with disability kon PWD pa, human gikuot sa wala pa mailang kawatan ang iyang 13-mil pisos nga kwarta nga pangbayad unta sa ospital alang sa na-admit niyang asawa.
Base sa asuy ni Tony Sastre, residente sa Brgy Ampayon ning siyudad sa Butuan, gikan matud pa siya sa Philippine Health Insurance Corporation kon PhilHealth kay naghikay alang sa gikinahanglan sa Butuan Medical Center diin na-admit ang iyang asawa.
Dihang pabalik na unta siya sa ospital, pag-abot sa gawas nga bahin sa may SM Mall, gitaparan matud pa siya og duha ka lalaking dagko og lawas kondiin ang isa, mihangyo nga anha mulingkod sa iyang gipwestuhan daplin lang sa agi-anan sa rasong PWD usab kuno siya.
Pagnaog niya gawas sa ospital, didto niya namatikdan nga wala na sa iyang bulsa sa atubangang bahin ang iyang pitaka ug abli na usab ang iyang sling bag nga nakita pa sa mga pasahero.
Dihang nagkaon na siya sa kan-anan gawas sa ospital, didto niya nakita nga wala na usab ang kwarta sa iyang pitaka ug gibinlan lang siya og 500-pisos.
