BUTUAN CITY-Positibo ang lokal nga panggamhanan dinhi sa dakbayan sa Butuan nga mohatag og subsidiya ngadto sa mga driver sa dakbayan, sumala ni Butuan City Mayor Lawrence Lemuel “Law” Fortun, pinaagi sa City Transportation and Traffic Management Department kon CTTMD.
Sumala ni Pastor Jun Ybanez, nga niadtong Huwebes, gitigom matud pa sila sa maong ahensya aron pangayuon ang ilang mga kompletong detalye ingon man ang mga gisakopan aron mahimong hapsay ug dili masayang ang ipang-apod-apod nga ayuda. Mala-umon usab kini nga malabwan ang kaniadto nga nahagatan diin asa mingkabat og kapin 3,000 ka mga drivers.
Sigon usab ni Ybanez, nga taliwala sa mga hungi-hong nga P2,000 ang ipang-apod-apod, mapasalamaton gihapon kini sa maong kantidad, diin ang bisang gamay nga kantidad usa na ka bililhol alang niini.
Dugang pa ni Ybanez, nga aduna na silay gihimong survey niadto pang miaging simana kalabot sa kung pila ang nahimong pagkunhod sa ilang mga driver nunot na sa nahimong epekto sa pagsaka sa presyo sa gasolina.
Matud pa niini, nga sa survey nga gihimo sa ilang grupo gikan sa nagkanda-iyang transport group sa Butuan City, mingtumaw nga adunay pag-patong og P200 ngadto sa P400 ang kilo sa matag driver sulod sa usa ka adlaw.
