BUTUAN CITY – Gikumpirma sa joint military command sa Iran nga subli na usab nga gisirad-an sa ilang kagamhanan ang Strait of Hormuz tungod sa nagpadayong Israeli attacks sa Lebanon ug sa dili matud pa maayong pasasalig sa Estados Unidos sa klarong paglapas sa mga saad niini nga tapuson na ang giyera.
Nagbahad pa ang ilang militar nga kung magpadayon ang pagpangatake, duna na sila’y giplanong panimalos nga ilang himuon.
Madumdumang nagsugod na paglawig ang mga barko sa maong waterways human napirmahan sa sayong bahin ning semanaha ang US-Iran agreement.
Nasayrang ang gilusad nga Israeli strikes sa southern Lebanon mikalas og dili mu-ubos sa 16 ka mga tawo apil na niini ang duha ka mga bata pila ka oras lang human migawas ang taho kalabot sa ceasefire agreement.
Ang padayong binakbakay naghulga sa interim agreement tali sa United States ug Iransa paghunong na sa giyera sa Middle East.
