BUTUAN CITY – Nahimo pa pag-maneuver sa piloto ang gimanehuang eroplano pabalik sa gitrabahuang Smafru banana plantation human kini gitiro sa mga armadong rebeldeng New People’s Army pasado alas-otso kagapon sa buntag nga miresulta sa iyang kamatayon.
Gibutyag ni SPO2 Ricky Paje sa Tagbina Municipal Police Station sa eksklusibong pakighinabi sa Bombo Radyo, ubay-ubay nga mga bala ang mi-igo sa spray plane og ang usa sa mga niini, mi-igo sa likod og milapos sa dughan sa pilotong si Lynbert Laguda, 65-anyos, minyo, residente sa Arujville Subdivision sa Brgy. Libertad ning siyudad.
Gika-ingong mag-spray unta ang nasangpit nga agricultural plane sa banana plantation sa may Purok 7, Sitio Grutto, Brgy. Malixi, lungsod sa Tagbina, Surigao del Sur dihang gipa-arakan kini sa gitu-uhang ga sakop sa Guerilla Front 40 sa NPA nga gidumala ni Ka Jurlan.
Taliwa sa na-angkong igo sa bala, nahimo pa ni Aguda ang pagpabalik sa abyon sa hangar sa Brgy. Sta. Fe sa susamang lungsod hinungdan nga gidala siya padulong ning siyudad aron mapatambalan apan wala na kini maka-abot pang buhi. (Beth Ruiz)
