BUTUAN CITY – Nakatutok sa mga dagkong kalampusan, mga pag-ila ingon man mga plano nga makatabang sa pagpalambo pa sa Agusan del Norte ang State of the Province Address kon SOPA ni Governor Maria Angelica Rosedell Amante, nga gipahigayon sa Capitol Covered Court, ning siyudad kaganinang alas-dos sa hapon.
Ang maong report to the province, maoy highlight sa pagsa-ulog ning lalawigan sa ika-58 nga anibersaryo sa pagsi-ak sa lalawigan sa Agusan ngadto sa Norte ug Sur.
Sa iyang pag-atubang sa mga Agusanons, gipadayag sa gobernador nga ang diwa sa kolektibong kalampusan, gigiyahan sa 4-point agenda sa probinsyal nga panggamhanan. Apil na niini ang dynamic ug responsive governance; pagpalambo pa sa mga serbisyong alang sa sosyudad, paglambo sa ekonomiya ug paglahutay niini ingon man pagdumala sa palibot aron abilidad sa pagtapal sa mga risgong gisagubang sa lalawigan.
