BUTUAN CITY – Dako og epekto ngadto sa ekonomiya sa nasud apil na sa pagsalig sa mga investors partikular na sa kaluwasan ug seguridad sa ilang kwartang gibubo ug ibubo pa sa Pilipinas, ang mga gipangbulgar ni Senadora Imee Marcos batok sa iyang igsuon nga si Pangulong Ferdinand Marcos Jr.
Sumala ni Engr Doric Gavino, Secretary General sa Sara All Movement, gi-andam nang daan ni Senadora Marcos ang maong pamahayag adiser pa ang rally sa Iglesia ni Cristo human kini nakigsabot kang Senador Rodante Marcoleta.
Gi-angkon usab ni Gavino nga ang rebelasyon sa senadora posibleng mamahimong dakong epekto o problema hilabi na sa mga investors sa nasud alang sa ilahang safety and security diin maglisud na matud pa sila pag-salig sa mga opisyales sa panggamhanan, gani mahimo usab nga makaapekto sa pagsalig sa ekonomiya ug seguridad sa nasud.
Dugang pa ni Gavino, nakapabukal og bag-ong hisgutanan ang mga exposé ni Senadora Imee ilabina sa dugay nang mga espekulasyon sulod sa pamilya Marcos nga nagpamatuod usab sa gipadayag kaniadto ni kanhi Pangulong Rodrigo Duterte nga adik kini.
Wala matud pa’y laing tumong ang senadora kondili alanag lang sa kaayuhan sa iyang igsuon apil na sa iyang pamilya ug sa publiko, ilabina sa kapasidad niini pagdumala sa nasud.
