BUTUAN CITY – Nagtambayayong ang probinsyal og nasudnong kagamhanan aron himuong Tourism Enterprise Zone kon TEZ sa Caraga region ang Siargao Island.
Gawas sa mga ilado nang nindot nga mga tourist spots, gisugdan na sa provincial government sa Surigao del Norte og sa Department of Tourism kon DOT ang pagpatik sa Siargao Island diha sa mapa sa international water sports events og mga adventures.
Sigon ni Surigao del Norte Gov. Sol Matugas, bulahan ang Siargao tungod kay abunda kini sa marine life, kansa haven sa mga oportunidad alang sa panginabuhian og mga discoveries, usa ka nindot nga lugar aron mag-enjoy sa kinabuhi uban sa laing mga tawo ingon man venue aron daygon ang ubang porma sa kinabuhi.
Dugang pa sa opisyal, mas competitive na karon ang maong isla nga duna’y mga islets tungod usab sa mga sea sporting events niini. (Beth Ruiz)
