BUTUAN CITY – Subling gidid-an sa Bureau of Fisheries and Aquatic Resources (BFAR) ang pagkuha ug pagkaon og shellfish gikan sa Lianga Bay sa Surigao del Sur.
Sa abiso sa BFAR, nagpositibo na usab sa Paralytic Shellfish Poison (PSP) kon toxic red tide ang maong baybayon sama sa mga baybayon sa Dumaguillas Bay sa Zamboanga del Sur, Tantanang Bay sa Zamboanga Sibugay Province, coastal waters sa Zumarraga Island sa Samar, ug Matarinao Bay sa Eastern Samar.
Subay niini, ang tanang klase sa shellfish sama sa tahong, tulya, ug uyap nga gikan sa maong coastal waters, hugot nga gidiling ka-unon.
Gipaniguro usab sa BFAR nga luwas ka-unon ang mga lamang-dagat nga makuha sa coastal waters sa Parañaque City, Cavite, Bulacan, ug Bataan, sa palibot sa Manila Bay, ug uban pang kabaybayunan sa nasud.
