BUTUAN CITY – Misaka na sa 300 ang gidaghanon sa mga ghost super health centers nga kasamtangang gi-imbestigahan sa Department of Health (DOH).
Sumala ni Health Secretary Teodoro Herbosa, nagsugod na sila sa ilang case building batok sa mga non-operational nga pasilidad ubos sa Health Facility Enhancement Program (HFEP).
Sa report nga gisumite ni Herbosa ngadto sa Independent Commission for Infrastructure (ICI), iyang gipbutyag nga gikan sa 297, misaka na ngadto sa 300 ka mga pasilidad ang gipa-imbestigahan aron masuta kung nganong hangtod karon dili pa operational ang uban sa mga health centers nga gipundohan pa sukad niadtong tuig 2021.
Base sa listahan sa DOH, sa 878 ka mga super health centers nga gipondohan sukad 2021, 300 pa ang dili operational, 196 ang operational, 17 ang naglihok nga portion lang, ug 365 pa ang anaa sa lain-laing hugna sa konstruksyon.
Dugang pa ni Herbosa, maglusad ang DOH og Citizens Participatory Audit aron dasigon ang publiko nga mosumbong sa mga posibleng iregularidad sa pagtukod sa maong mga pasilidad nga anaa sa ilang lugar.
