BUTUAN CITY – Natabla sa San Antonio Spurs ang serye sa duwa batok sa Minnesota Timberwolves human nila gilubong ang kontra og 38 puntos human natala ang score nga 133-95 sa nagpadayong best-of-seven Western Conference Semifinals.
Usa ka dominante nga opensa ang gipakita sa Spurs gikan sa sinugdanan hangtod sa katapusan pinaagi sa team effort diin tanan nga starters nakapuntos og double-digit, pagpanguna ni Victor Wembanyama.
Sa pagtapos sa 1st half, nagdala na ang San Antonio og 24 puntos nga labaw pinaagi sa naposteng 14 puntos, 9 rebounds, ug usa ka block ni Wemby.
Bisan wala na kaayo siya gipadula sa ikaduhang bahin sa duwa, nakatala gihapon siya og double-double performance sa katapusan pinaagi sa 19 puntos, 15 rebounds, ug 2 ka blocks taliwa nga 26 minutos ra ang iyang gidula sa ikaduhang duwa.
Alang usab sa Wolves, halos tanan nga players nawala sa ritmo ug ang ilang mga nag-unang scorer parehas lang og tag-12 puntos, kansa mao na ang labing taas nga individual score sa Minnesota.
Ang Spurs nagdomina sa tanang kategoriya gikan sa overall field goals, 3-pointers, paint area, ug free throw line ug sa depensa, napugos nila ang Wolves nga maghimo og 22 ka mga turnovers sa tibuok duwa.
Nakakuha usab ang San Antonio og 29 fast break points samtang lima ra ka puntos ang tubag sa Wolves. Himuon ang Game 3 ug 4 sa Minnesota samtang ang Game 5 mubalik sa San Antonio.
