BUTUAN CITY – Masulub-on ang pagsugat sa bag-ong tuig sa pamilya sa usa ka magtutudlo sa senior high school ning siyudad sa Butuan human kini nagpakamatay.
Gi-ila ni P/Sr. Insp. Henry Samillano, hepe sa Butuan City Police Station 5, ang biktimang si Marjun Palomar, 21-anyos, ulitawo, nagtudlo sa Saint Joseph Institute of Technology kon SJIT senior high og residente sa Purok 7, Brgy. MJ Santos ning siyudad.
Gibutyag sa opisyal nga kumbinsido ang pamilya sa maong magtutudlo nga wala’y foul play ang pagkamatay niini human napalgang nagbitay na sulod sa iyang lawak sa ilang pinuy-anan.
Ilang nasayran nga ang manghod sa biktimang si Mary Grace ang nakarekber sa patay’ng lawas niini nga nagbitay na gamit ang pisi nga gihikot sa iyang li-og.
Dili na ipa-otopsiya sa maong pamilya ang iyang patay’ng lawas tungod kay kumbinsido silang ang pagka-depress niini sa trabaho ang hinungdan sa iyang pagpakamatay. (Beth Ruiz)
