BUTUAN CITY-Gikwestyon sa Senado ang Department of Energy (DOE) tungod sa kakuwag niini og pagtipig o stockpiling sa lana, susaby sa nahimong pahimangno sa ahensya nga posibleng atubangon sa Pilipinas ang sitwasyon kung asa subling mahutdan og suply sa krudo ang nasud.
Sa gihimong hearing sa Senate Protect committee kansa gimugna aron hisgutan ang epekto sa tensyon sa Middle East sa nasud, kusganong gisaway ni Sen. Loren Legarda ang dayag nga pasangil sa DOE nga ang mga kamot sa gobyerno gigapos tungod sa Oil Deregulation Law, nga giingong nakababag sa pagtipig sa mga reserba sa lana sa nasud.
Sumala sa senadora, ang pagpangandam sa krisis dili pangilabot sa pribadong negosyo kundi usa ka importanteng obligasyon sa panggamhanan. Gipangayoan usab og direktang katin-awan ang DOE kalabot sa gigamit niini pamahayag nga, “The worst case is that our country runs dry.”
Gipasiugda sa magbabalaod nga kinahanglang ipasabot sa kapin 110 milyon ka Pilipino kung unsa ang mahimong epekto niini, hilabi na sa mga ordinaryong katawhan ug sektor sa agrikultura.
