BUTUAN CITY – Mibalik sa pag-arte ang aktor ug senador nga si Robin Padilla sa iyang bag-ong action series nga “Blood vs Duty.”
Gikumpirma kini sa usa ka iladong production studio sa social media post diin gianunsyo ang espesyal nga partisipasyon ni Padilla sa nasangpit nga serye nga gibidihan nila Gerald Anderson ug Richard Gutierrez.
Sa serye, maghawid sa papel si Padilla isip usa ka Muslim character nga ginganlag Ahmad Mustapha.
Samtang gibutyag ni Robin nga ang iyang pagbalik sa pag-arte tungod sa gitawag niyang “kalisud samtang nagsilbi sa politika.
Una nang gipa-ambit sa aktor-politiko nga gibaligya usab niya ang iyang kabtangan sa Quezon City nga naila isip Museo de Padilla.
Ang iyang pagbalik sa telebisyon misunod sa iyang katapusang proyekto niadtong 2018 nga “Sana Dalawa ang Puso Ko, diin nakauban niya si Jodi Sta. Maria.
Sa pelikula usab, katapusan siyang nakita sa “Maid in Malacañang” niadtong 2022.
