BUTUAN CITY – Giawhag ni Sen. Imee Marcos ang Social Security System (SSS), Government Service Insurance System (GSIS), Pag-IBIG Fund, ug Philippine Health Insurance Corporation (PhilHealth nga ipatuman ang temporaryong pagsuspinde sa pagkaltas sa sweldo aron maminusan ang kabug-at nga gibati sa mga trabahanteng Pilipino tungod sa padayon nga pagsaka sa presyo sa gasolina ug mga batakang palaliton.
Dungan niini, giduso usab sa senador ang loan moratorium aron matabangan ang mga trabahante, mag-uuma, mangingisda, ug gagmayng negosyante nga grabeng naapektuhan sa krisis sa enerhiya, human ideklara ni Pang. Ferdinand Marcos Jr. ang national state of energy emergency.
Sumala ni Marcos, ang krisis sa gasolina ug krudo dako kaayo’g epekto sa adlaw-adlaw nga kinabuhi sa matag Pilipino, labi na sa mga trabahante rason nga angay lang nga hatagan sila og bisan usa ka bulan o sobra pa nga lugway sa pagbayad sa ilang mga obligasyon.”
Dugang pa senadora nga dili una kaltasan ang ilang sweldo og ihatag kini nga tibook aron makasabay sila sa walay hunong nga pagsaka sa presyo sa mga palaliton.”
Gipasabot usab sa senador nga ang maong lakang napamatud-an nang epektibo atol sa panahon sa pandemya ug sa mga miaging kalamidad.
