BUTUAN CITY – Mas gipahugtan sa mga otoridad sa Saudi Arabia ang seguridad sa palibot human sa nahitabong drone attacks sa Aramco oil firm niadtong Sabado.
Sa eksklusibong pakighinabi sa Bombo Radyo Butuan, gibutyag ni Pinky Bayer, lumad nga taga Butuan City ug kasamtangang nagtrabaho isip beautician sa Saudi Arabia, nga daghang mga sundalo ang nagkatag sa maong gingharian ug nagpahigayon og checkpoints ilabina kay saulugon sa maong nasud ang ilang ika-87 nga adaw sa kaugalingnan kon Independence Day.
Sumala pa sa OFW, bawal usab nga makasulod sa Saudi ang mga Iranians human nasuta nga duna sila’y kalambigitan sa nasangpit nga pagpamomba.
Apan bisan paman, balik sa normal na ang trabaho sa maong nasud. Samtang hugot usab nga nagpahimangno ang Philippine Embassy sa mga Pinoy nga mag-amping sa kanunay.
