BUTUAN CITY – Gipaneguro sa lokal nga panggamhanan nga magmalahutayon ang seguridad sa pagkaon sa isla sa Siargao nga usa sa mga sikat nga isla sa Pilipinas.
Gipangunahan sa Marinduque-based social enterprise kon AGREA ug United States conservation group, kansa mga inilang international organization ang adbokasiya sa lokal nga panggamhanan, ang pagpalambo sa agrikultura ug pagpangisda sa Siargao.
Tumong niini nga iandam ang nasangpit nga isla nga makasustenar sa pagkaon ug supply sa pangisda taliwa sa pagsaka sa ihap sa mga turistang mobisita sa isla matag tuig.
Sumala kang Surigao Del Norte first district Rep. Jose Francisco Matugas II, panahon na matod pa nga sugdan ang food sustainability tungod sa pagsaka sa foreign ug local tourists nga nibisita sa isla.
Gikabutyag usab niini nga sa kasamtangan, ang dakong supply sa pagkaon sa Siargao nga anaa sa mga resorts ug restaurants, nangkat pa gikan sa mainland Surigao.
Nasayran nga ang Siargao usa sa mga sikat nga destinasyon sa mga surfers gikan sa nagkada-iyang parte sa kalibutan og sa nasangpit nga isla usab makita ang pinakalapad nga mangrove forest sa Asya, anga dna’y gidak-ong 9 mil ka ektarya. (Rolan Janea)
