BUTUAN CITY – Ubay-ubay na nga nga kampo ang na-overrun sa kasundaluhang sakop sa 401st Brigade, Philippine Army sa nagpadayong pursuit operations batuk sa mga rebeldeng New People’s Army kon NPA human ang engkwentro kagahapong adlawa sa Surigao area.
Ang nasangpit nga insidente gikamatay sa scout ranger nga si Sgt. Leinar Dickenson Bognot, residente sa Brgy. Bay-i, Lagayan, Abra. Nakahi-agum kini ug samad pinusilan sa li-og human niini gikamang ang armas sa iyang kaubanan atol sa giyera.
Subay niini, nangayo og dispensa si Captain Rodolfo Cordero – Civil Military Operations kon CMO officer sa maong brigada dungan sa pagpasabot nga ingon niini gyod ang mamahimong usa sa mga senaryo higayong duna’y engkwentro.
Gibutyag sa opisyal nga duna na’y narekober nga M16 armalite rifle og AK 47 ang kasundaluhan apan wala pa sila’y narekober nga angol o kaha nakalas nga NPA taliwa nga duna sila’y nakitang mga lama sa dugo.
Apan giklaro ni Captain Cordero nga taliwa nga nakuhaan sila og sakop, magpadayon gihapon ang ilang security operations ilabina batuk sa mga hardcore rebels hangtud nga hingpit na kining magpalayo sa mga dapit nga wala na’y komunidad.
Gikatakdang dal-on ang patay’ng lawas ni Dickenson sa Manila adiser kini iuli sa Abra. (Beth Ruiz)
