-- ADVERTISEMENT --
BOMBO BUTUAN – Gipasuspinde ug 60 ka adlaw sa Sandiganbayan si San Benito, Surigao del Norte mayor Rushford Dedumo tungod sa gi-atubang niini nga kasong graft.
Base sa impormasyon gikan sa Ombudsman, gibutang ni Dedumo isip municipal consultant ang iyang igsoon nga si Flordeliza Coro, bisan ug wala kini otoridad nga i-tudlo ang iyang igsoon.
Tungod kay nasayran nga gitugutan sa alkalde si Coro nga mag-cash advance og halos 23-mil pesos isip travel expenses budget bisan ug dili kini empleyado sa iyang buhatan.
Naghatag na usab ug direktaba ang korte sa Department of Interior and Local Government alang sa hingpit nga suspensyon ni Dedumo.
