BUTUAN CITY- Giandam na sa mga otoridad ang mga gikinahanglan alang sa ipasakang kaso batok sa tulo ka mga indibidwal nga nakuhaan og kapin ₱1.8 Million sa gituohang shabu, kagahapong adlawa sa may Destajo Travellers Inn, Purok 7, Barangay San Juan, Surigao City, Surigao del Norte.
Sumala ni Dindo Abellanosa, tigpamaba sa Philippine Drug Enforcement Agency kon PDEA Caraga, nila matud pa ang mga dinakpang sila si Christnnylith Tibay, 36 anyos, taga Roundvilla Subdivision, Brgy. Bayanihan, Butuan City; Jessel Fe Calumpa, 26 anyos, taga Brgy. Manalo, Monkayo, Davao de Oro; ug ingon man si Carlo Dumanglas, 31 anyos, nga taga Brgy. 5, Buenavista, Agusan del Norte ug usa ka Estudyante.
Sayrang lakip ang tulo sa mga high-value targets kon HVT list sa mga otoridad. Sumala ni Abellanosa, anaa matud pa sa 125 gramos sa gituohoang shabu nga adunay street value nga ₱1.8 milyon ug standard market value nga ₱1,875,000. ang nakuha gikan sa tulo.
Gilaumang pasakaan ang tulo og kasong paglapas sa Sections 5, 11, ug 12, Article II sa RA 9165 kon Comprehensive Dangerous Drugs Act of 2002.
Sa kasamtangan, temporaryo unang gipahimutang sa kustodiya sa PDEA ang maong mga susupetsado samtang nagapadayon ang imbestigasyon ug legal nga proseso sa mga kaso batok kanila.
