BUTUAN CITY- Posibleng motestigo si kanhi Police Colonel Royina Garma sa pagtaral sa International Criminal Court (ICC) batok kang kanhi President Rodrigo Duterte kalabot sa mga natigayong patayan ubos sa ‘war on drugs.’
Gikumperma ni kanhi Senador Antonio Trillanes IV nga nadawat niini ang impormasyon kalabot sa posibleng pagtestigo ni Garma, nag gi-ingong parte sa mga unang gibulgar nila kalabot sa extrajudicial killings sa Pilipinas sa ICC.
Bisan paman wala pay kasiguraduhan sa eksaktong unod sa iyang mahimong testimonya, una na nga ming-atubang si Garma sa usa ka komite sa Kamara de Representantes kung asa gihisgutan ang daw implementasyon sa gitawag nga “Davao Model.”
Kini gi-ingong sistema sa gani alang sa pagpatay sa mga gidudahanag nalambigit sa iligal nga droga.
Sumala ni Trillanes, gawas kang Garma, gilaoman usab nga motestigo sa ICC ang uban pang personalidad sama sa mga gi-ngong kanhi hitman nga sila Edgar Matobato ug Arturo Lascañas, nga kanhi nang minghatag og pamahayag kalabot sa mga alegasyon sa patayan.
Padayon pa nga gihulat ang opisyal nga kumpirmasyon gikan sa ICC kalabot sa mga saksi ug sakop sa ilang testimonya sa kaso.
