ROTC program, i-pilot test sa usa ka tunghaan sa matag-rehiyon karong tuiga

BUTUAN CITY – Usa ka tunghaan sa matag-rehiyon ang i-pilot test, alang sa pagpabalik na sa mandatory implementation sa Reserved Army Training Corps kon ROTC program.

Sigon  ni Major Francis Belarmino, hepe sa 1501^st Community Defense Center-Regional Community Defense Group, dinhi sa Caraga Region, ang napiling tunghaan diin kini ipatuman karon nga school year mao ang Northeaster Mindanao State University – Cantilan Campus.

Higayong positibo ang resulta, gila-umang ipatuman na unya kini sa tanang mga tunghaan, sunod school year.

Sa pagkakaron, ila na lang gihulatan ang ipagawas nga Implementing Rules and Regulations kon IRR  aron ilang makita ang espisipikong sundon unya sa maong balaud.