-- ADVERTISEMENT --
BUTUAN CITY – Tumang kalipay ang gibati sa mga residente sa Brgy Lawigan, lungsod sa Tubay, Agusan del Norte tungod sa subling pagdagsa na usab sa mga isdang tamban kaganina.
Nasayrang pila ka adlaw nga wala makasud-an ang kadaghanan sa mga residenteng mangingisda tungod sa sunod-sunod nga mga bagyong Tino ug Uwan nga nagpabalud sa ilang kadagatan.
Dako na lang ang ilang kakurat dihang sa ilang pagpamaybay kaganinang buntag, naglumba og pangdagsa sa baybayon ang mga isdang tamban kansa paspas usab nga gipamunit sa mga residente.
Nasayrang dili kini ang unang higayon nga nahitabo kini sa maong barangay tungod kay ning mi-aging mga buwan, nahitabo na usab kini kansa gikuninitan usab sa mga tawo.
