BUTUAN CITY – Gikalipay sa Task Force Kapihan, ang task force nga gimugna ni Socorro, Surigao del Norte Mayor Riza Timcang nga imbestigahan na sa Senado ang matud pa kulto nga aktibo karon sa Sitio Kapihan sa Brgy. Siring sakop sa maong lungsod nga gi-akusahang nang-abuso sa mga batang babayeng ilang membro.
Sa eksklusibong interview sa Bombo Radyo Butuan, gipadayag ni Task Force Kapihan spokesperson Edelito Sangco nga tinuod ang expose ni Senadora Risa Hontiveros kansa ilang gikalipay human nga wala’y nahimo ang task force human nag-file og writ of habeas corpus ang mga ginikanan sa mga batang reklamante hinungdan ng usa kanila ang nabalik sa kostudiya sa iyang mga ginikanan.
Gipadayag niining nagpasaka na og upat ka mga reklamo ang local government unit sa Socorro ngadto sa Provincial Prosecutor’s Office niadto pang Hunyo ka-uban ang ilang Municipal Social Welfare and Development ug ang National Bureau of Investigation o NBI batuk sa mga lider sa kulto.
Apil na niini ang kidnapping and serious illegal detention, qualified trafficking paglapas sa Anti-Early Child Marriage Law ug Anti-Child Abuse Law.
