BUTUAN CITY – Andam na nga isubmite sa Liga ng mga Punong Barangay-Mindanao sa kamara ang resolution nga namugna atol sa Mindanao Island Liga Congress sa Davao City.
Sa pakighinabi kang Association of Barangay Captain kon ABC-Butuan City Federation President og Barangay Banza incumbent Captain Nestor Amora, gikumpirma niining pasado og pirmado na ang Resolution no. 10 kansa nag-request sa mga magbabalaod alang sa pag- uktaba sa Mayo 14 nga Barangay ug SK election.
Nakalatid usab sa maong sugyot ang otomotikong pagtudlo Pangulong Rodrigo Duterte sa tanang barangay kapitan sa Mindanao sa ingon mapadayon niini ang serbisyo sa katawhan.
Una nang nagsubmite og resolution si House Justice Committee chairman og Oriental Mindoro Rep. Reynaldo Umali alang sa susamang hangyo, ang pag-postpone sa eleksyon.
Dako matud pa ang posibilidad nga ma-uktaba ang eleksyon nga masundan dayon sa pag appoint sa presidente og mga kapitan sa tibuok Mindanao. (Beth Ruiz)
