BUTUAN CITY- Mihimo na og mga lakang ang Department of Tourism kon DOT-Caraga human gihisgut-hisgutan sa social media ang trip sa journalist nga si Karen Davila dihang na-aksidente ang iyang anak samtang nagbansay og surfing sa Siargao Island.
Sigon ni Tourism Caraga Regional Director Ma. Ana Nuguid, ila nang gi-imbestigahan ang matud pa kakulang sa first aid station og life guard sa usa ka resort sa Siargao Islands sa Surigao del Norte.
Una nang nadismaya si Davila dihang kalit lang matud pang nahanaw ang trainer sa iyang anak og wala’y bisan usa nga mitabang niini human na-angol.
Aron masegurong dili na subli pang mahitabo ang maong insidente, gibutyag sa opisyal nga mas pahugtan pa nila ang mga himuong trainings alang sa mga life guards og mga empleyado sa mga resorts ilabina nga daghan sila’g nakahan-ay nga mga water activities karong summer season. (Beth Ruiz)
